Вечерва избувна пожар кај дивата депонија во Лабуништа, при што на местото пристигнаа две противпожарни возила од Територијалната противпожарна единица Струга.

Поради специфичноста на пожарот и фактот што се работи за депонија, гаснењето со вода не било возможно, па како најефикасен начин за локализирање на пожарот беше преземено негово затрупување со земја.

Во акцијата активно се вклучи компанијата СабнурБау, која со механизација и земја помогна пожарот да биде локализиран и спречено неговото понатамошно ширење.

Голема благодарност до сопственикот на компанијата, Махир Нуроски, како и до Санел Салоски – Бубу, за нивниот ангажман и несебичната помош во оваа акција.

Посебна благодарност заслужуваат и големиот број млади жители на Лабуништа, кои веднаш се најдоа на местото и несебично помогнаа пожарот да се држи под контрола, со што се спречи неговото проширување кон околниот простор.

Заедничката реакција на компанијата СабнурБау и мештаните покажа дека во критични моменти заедништвото и брзата реакција се од огромно значење за безбедноста на целото население.