Sonte shpërtheu një zjarr pranë deponisë së egër në Labunishta, ku në vendin e ngjarjes mbërritën dy automjete zjarrfikëse nga Njësia Territoriale e Zjarrfikësve Strugë.

Për shkak të veçantisë së zjarrit dhe faktit se bëhet fjalë për një deponi, fikja me ujë nuk ishte e mundur, prandaj si mënyra më efektive për lokalizimin e zjarrit u aplikua mbulimi i tij me dhe.

Në aksion u përfshi aktivisht kompania SabnurBau, e cila me mekanizëm dhe dhe ndihmoi që zjarri të lokalizohej dhe të parandaloi përhapjen e tij të mëtejshme.

Një falënderim i madh i shkon pronarit të kompanisë, Mahir Nuroski, si dhe Sanell Saloskit – Bubu, për angazhimin dhe ndihmën e tyre pa kursim në këtë aksion.

Një falënderim i veçantë i takon edhe numrit të madh të banorëve të rinj të Labunishtë, të cilët menjëherë u gjendën në vend dhe ndihmuan pa rezervë që zjarri të mbahej nën kontroll, duke parandaluar përhapjen e tij në ambientin përreth.

Reagimi i përbashkët i kompanisë SabnurBau dhe banorëve tregoi se në momentet kritike bashkëpunimi dhe reagimi i shpejtë janë shumë të rëndësishme për sigurinë e gjithë popullatës.