Со длабока тага ја објавуваме веста за преселувањето на д-р Минур Мемишоски, почитуван стоматолог и драг член на нашата заедница. Неговиот придонес во стоматологијата и неговата искрена посветеност кон своите пациенти ќе останат врежани во спомените на сите што го познаваа.

Д-р Минур беше пример за професионалност, љубезност и човечност. Со својата несебична посветеност кон работата и топлиот пристап кон секого, тој остави неизбришлива трага во животите на многумина. Неговиот искрен осмев и топли зборови беа извор на утеха и поддршка за сите околу него. Не беше само стоматолог – беше пријател, советник и искрена душа која секогаш беше подготвена да помогне.

„إِنَّا لِلّهِ وَإِنَّـا إِلَيْهِ رَاجِعونَ“ „Ние сме, навистина, Аллахови и Нему ќе му се вратиме.“ (Куран, 2:156)

Нека Аллах му подари Џенетул Фирдевс. Нека Аллах му подари рахмет, а на неговото семејство сабур и сила за да ја надминат оваа голема загуба.

Д-р Минур ќе остане засекогаш во нашите дови и срца. Аллах да му подари награда за сите добри дела што ги направи во овој свет. Амин!