Медиуми
Што значи „дезинформација“?
Неточна или измамлива информација што се шири намерно за да заблуди.
Некој измислува изјава на јавна личност и ја објавува како вистинска за да влијае врз читателите.
Лабунишки Мудрости Вторник 17.11.2026
✍️ Јакуб Казимоски
Старите лабуништани живееле од својот труд. Во многубројните семејства, обврските се распределувале уште одвечер. Старешината на куќата одредувал кој што ќе работи следниот ден: некој да се грижи за стоката, некој да донесе дрва, некој да оди на пазар. Дел од членовите биле на печалба и оттаму придонесувале за издржувањето на семејството.
Работа имало за сите — и за помладите и за повозрасните, секој според својата сила и можност. Жените најчесто ги носеле домашните обврски и секојдневната грижа за подготвување оброци за бројното семејство. Во текот на пролетта, летото и есента се работело и се собирало потребното за што поподготвено да се дочека и полесно да се помине зимата.
Во многу куќи се живеело скромно, со приближно сличен животен стандард. Лебот што се ставал на трпезата бил плод на многу раце и заеднички труд. Затоа се знаела неговата вредност и се внимавало да се зачува стекнатото.
Не се дозволувало да се фрла преостанатата храна. Уште од мали, децата биле воспитувани дека, ако најдат парче леб на патот, треба да го подигнат, да го бакнат и да го остават на чисто место, каде што птиците ќе можат да го изедат. Преку таквите постапки се учеле на почит кон Божјите благодети и кон трудот вложен во секој залак.
Кога момчињата ќе стасале за женидба, а девојките за мажење, се склучувале бракови, најчесто меѓу семејствата во селото, иако невести доаѓале и од соседните села. Со проширувањето на семејството растеле и потребите, па секое поколение размислувало како да обезбеди подобар живот за себе и за своите деца.
Кај некои се јавувала желба за поголема заработка и поудобен живот. Работливите и способни домаќини, со труд, трпение и умешност, успевале да ги остварат своите планови. Нивниот успех бил радост за куќата, зашто од него имало корист целото семејство.
Но имало и такви што веќе имале добри услови за работа и заработка во семејното стопанство. Во нивната куќа се работело и се живеело подобро отколку во многу други семејства. Сепак, гледајќи како другите заминуваат на печалба или започнуваат поинаква работа, почнувале да мислат дека и самите на тој начин полесно ќе дојдат до поголема заработка.
Ја гледале туѓата добивка, а малку знаеле за откажувањата, неизвесноста и годините поминати далеку од домашните. Понесени од желбата што побрзо да го постигнат истото, не секогаш ги проценувале добро сопствените способности и условите што ги чекале. Така, и без поголема животна потреба, решавале да ја остават сигурната работа и да заминат од дома.
Старешината, кој добро ги познавал и нив и состојбата во куќата, пред заминувањето ќе ги посоветувал:
„Сине, не барај преку леб — погача. Фала Му на Бога, имаме работа, а Тој ни дал бериќет и во трудот и во нивите што ги обработуваме. Тука ти е семејството, тука имаш од што чесно да живееш. Не гледај само што заработуваат другите. Некои од нив мака ги натерала да заминат за да ги прехранат своите семејства.
Ако имаш добар план, размисли, посоветувај се и пресметај што можеш да направиш. Ама немој само по туѓото да тргнеш, па своето да го запоставиш. Да Му бидеме благодарни на Бога за она што ни го дал, да си ја работиме работата чесно и да се надеваме на уште поголема нафака и бериќет.“
И покрај најдобронамерните совети, некои сепак заминувале, уверени дека далеку од дома ги чека подобра иднина.
Но новата средина, непознатата работа, одвоеноста од блиските и неизвесната заработка барале повеќе сила и трпение отколку што очекувале. Кога надежите немало да се остварат, кај дел од нив се јавувало каење што пребрзо го напуштиле она што го имале. По извесно време, повторно се враќале дома.
Тогаш појасно ја разбирале грижата во зборовите на старешината. Тој знаел колку тешко се создаваат услови за сигурен живот и колку лесно човек може да ги потцени кога се споредува со другите.
Враќањето било можност повторно да се зафатат со работа, со поголема почит кон семејниот труд и кон она што претходно им изгледало недоволно. Искуството ги чинело време и мака, но им помогнало подобро да ја разберат вредноста на сопствениот дом и на заработениот леб.
И денес, пред да го напуштиме она што го имаме, добро е да знаеме кон што тргнуваме и што бара тој пат од нас. Туѓиот успех може да нè поттикне, но одлуките треба да ги носиме според сопствените можности и вистинските потреби. Да се стремиме кон подобро, а притоа да го цениме лебот што веќе е на нашата трпеза.
Ј.К. — “Мудрости на старите лабуништани”
Медиуми
Неточна или измамлива информација што се шири намерно за да заблуди.
Некој измислува изјава на јавна личност и ја објавува како вистинска за да влијае врз читателите.
Едно прашање. Една шанса. Колку добро ги знаеш правилата?
Биди првиот што ќе одговори денес.
0 учесници во квизот денес
Медиуми
Неточна или измамлива информација што се шири намерно за да заблуди.
Некој измислува изјава на јавна личност и ја објавува како вистинска за да влијае врз читателите.
Едно прашање. Една шанса. Колку добро ги знаеш правилата?
Биди првиот што ќе одговори денес.
0 учесници во квизот денес
Мухамед Хусрев (Ајдинлар) е роден во селото Лабуништа, во близина на Струга, ден...
Со длабока тага ја објавуваме веста за преселувањето на д-р Минур Мемишоски, поч...
Се продава куќа во Лабуништа, место Краста, со имотен лист! Површина на куќа 540...
При излет во пределот на Лабунишките бачила, мештанецот Ерсан Зенделоски наиде н...
Главна тема на состанокот беа два сериозни проблеми кои, според присутните, нега...
Голем успех за Лабуништа и за младите таленти од нашиот крај. Ејлем Бекироска, у...
Координативното тело составено од членовите Сафет Демиралиески советник на градо...
По многу години посветена работа, нашиот драг сограѓанин Сафет Демиралеиски зами...
Првите жители на селото Лабуништа кои имале можност да го обават светиот муслима...
Со особена чест и гордост, жителите на Лабуништа му упатуваат најискрени честитк...