Со особена чест и гордост, жителите на Лабуништа му упатуваат најискрени честитки на д-р Ферид Салкоски по повод неговото успешно стекнување на титулата субспецијалист по педијатриска пулмологија.

Овој значаен професионален успех е резултат на долгогодишна посветеност, стручен развој и искрена љубов кон медицината и грижата за децата. Неговата заложба, како што и самиот истакнува – „Секое дете заслужува здив полн со живот“ – е инспирација за сите нас и уште еден доказ дека трудот и истрајноста секогаш водат кон високи цели.

Патот до тука не беше лесен, но како што самиот вели – секој момент вредеше.

Како заедница, исклучително сме горди што нашиот сограѓанин продолжува да се истакнува во медицинската наука и да придонесува во областа на детското здравје. Веруваме дека неговиот хуман пристап и експертиза ќе бидат од огромно значење за многу деца и нивните семејства.

Во оваа прилика му посакуваме уште многу успеси, здравје и професионално остварување во новата фаза од неговата кариера.