Личен и уметнички профил

Можете ли да ни кажете нешто за себе и како започнавте со уметноста?

Прво, селам алејкум и голем поздрав до сите мои соселани. Ви благодарам и вам што ми дадовте можност да се искажам. Сликањето го сакам уште од мал, уште од прво одделение. Знам дека учителите Аце Младеноски и Владимир Младеноски (поздрав и до нив) често ми ги земаа цртежите и добивав пофалби. Така што нема конкретен период кога и како започнав.

Што ве инспирира да создавате уметност?

Најмногу природата.

Дали сте имале некаква формална едукација во уметноста, или сте самоук?

Љубовта кон цртањето секој ден нешто ме учи.

Кои техники и материјали најчесто ги користите? Најмногу масло на платно и акрил.

Уметноста во Лабуништа

Како би ја опишале уметничката сцена во Лабуништа?

Во Лабуништа, како што знаете, преовладува музичката уметност.

Дали има други уметници во селото со кои соработувате или се инспирирате?

Уметници да, има, но за соработка не, бидејќи повеќе сликањето ми е хоби и релаксација, а не професија од која живеам.

Колку селото и неговата традиција влијаат на вашите дела?

Многу. Моментално работам на неколку дела мотивирани од нашето и околните села.

Процес на создавање

Како изгледа еден ваш типичен ден кога работите на некое уметничко дело? Имате ли одреден ритуал или начин на работа што ве мотивира?

Тивка ориентална турска музика.

Колку време ви е потребно да завршите едно дело?

Зависи од сликата и техниката. Кога цртате со маслени бои имате можност подолго да ја работите.

Предизвици и можности

Со какви предизвици се соочувате како уметник? Дали некогаш сте размислувале да ја претворите уметноста во професија?

Никогаш не е касно :)

Дали има доволно поддршка за уметниците во вашата заедница?

Да. Често, позитивно сум критикуван зошто професионално не се бавам со сликарство од мојата околина. Ако мислевте на државна поддршка – ниту една професија ја нема, за жал.

Идни планови

Кои се вашите идни планови во уметноста?

Ќе продолжам, со љубов и од љубов, секогаш да сликам. Четката, боите, моливот... се дел од мене.

Дали би сакале да направите изложба во Лабуништа или на друго место?

Па... можеби, наскоро.

Има ли некое дело на кое особено сте горди и што би сакале да го споделите со јавноста?

Има. Некои од нив се земени, некои (про)дадени... но да споделам со јавноста – секогаш имам.