Со голема тага и разочараност ги гледаме сликите од училишниот двор и училишната зграда. Наместо место каде што децата ќе учат, спортуваат и ќе растат, сведоци сме на уништена фасада, оштетени ѕидови и расфрлан отпад. Ова училиште не е ничија приватна сопственост – тоа е наше, на сите жители на Лабуништа. Изградено е со труд и средства за доброто на сегашните и идните генерации. Секое оштетување значи дополнителен трошок што повторно го плаќаме сите ние.

Драги млади, силата не е во тоа да се уништува, туку да се создава и да се чува. Вистински пример е оној кој ќе го фрли отпадокот во корпа, ќе ја зачува клупата, ќе го почитува училиштето и ќе му укаже на својот другар кога прави нешто погрешно.

Да покажеме дека Лабуништа е место на култура, воспитување и одговорност. Да не дозволиме неколку неодговорни постапки да го нарушат угледот на целото село.

Аллах џ.ш. во Куранот вели: „…И не правете неред на Земјата, откако на неа е воспоставен ред.“ (Ел-Араф, 56)

Да го чуваме она што е наше, затоа што чистото и уредно училиште е гордост на целата заедница, а нејзиното уништување е срам за сите.

Да бидеме генерација што ќе гради, а не што ќе руши.