Повторно добиваме фотографии кои сведочат дека несовесни граѓани повторно фрлаат отпад во месноста Краста. Место кое со години беше симбол на негрижа и загадување, а кое со многу труд и ангажман постепено почна да го враќа својот природен изглед.

За жал, старата рана повторно се отвора.

Овојпат нема да молчиме, ниту ќе преминеме преку свесното уништување на нашата природа. Недозволиво е неколку неодговорни поединци да ја загадуваат околината што им припаѓа на сите нас.

Природата не е ничија приватна депонија. Таа е наследство што сме должни да го сочуваме за нашите деца и за идните генерации.

Ги повикуваме надлежните институции да преземат соодветни мерки за пронаоѓање и санкционирање на сторителите, а сите граѓани да продолжат да пријавуваат вакви случаи. Само со заедничка одговорност можеме да ставиме крај на оваа појава.