Po marrim përsëri fotografi që dëshmojnë se qytetarë të pandërgjegjshëm po hedhin mbeturina në zonën Krasta. Një vend që për vite me radhë ishte një simbol i pakujdesisë dhe ndotjes, dhe që me shumë përpjekje dhe angazhim gradualisht ka filluar ta rikthejë pamjen e tij natyrore.

Fatkeqësisht, plaga e vjetër përsëri hapet.

Këtë herë nuk do të heshtim, as nuk do të kalojmë mbi shkatërrimin e vetëdijshëm të natyrës sonë. Është e papranueshme që disa individë të pandërgjegjshëm të ndotin mjedisin që i përket të gjithëve ne.

Natyra nuk është deponi private e askujt. Ajo është një trashëgimi që jemi të detyruar ta mbajmë për fëmijët tanë dhe për brezat e ardhshëm.

I ftojmë institucionet përgjegjëse të ndërmarrin masa të përshtatshme për gjetjen dhe ndëshkimin e autorëve, dhe të gjithë qytetarët të vazhdojnë të raportojnë raste të tilla. Vetëm me përgjegjësi të përbashkët mund ta vendosim një fund kësaj dukurie.