Драги сограѓани,

Група млади Лабуништани кои живеат и работат во Италија, во провинција Тревизо, иницираат формирање на хуманитарно друштво со цел да ја зајакнат меѓусебната солидарност и поддршка меѓу нашите луѓе. Оваа иницијатива има за цел да обезбеди помош на оние на кои им е најпотребна во родното Лабуништа како и други значајни проекти кои ќе бидат од корист за населението

Со таа цел, ги повикуваме сите наши Лабуништани кои живеат и работат на територијата на провинција Тревизо да присуствуваат на првиот состанок, кој ќе се одржи во недела, 9 март 2025 година, веднаш по пладне (полден) намаз, во просториите на џамијата "Еманет" во Сусегана.

На овој состанок ќе разговараме за: ✅ Целите и активностите на хуманитарното друштво ✅ Начините на организирање и учество ✅ Идеи и предлози за идни проекти ✅ Формирање на тим кој ќе ја координира работата

Вашето присуство и поддршка се од големо значење за успехот на оваа иницијатива. Ајде заедно да изградиме заедница заснована на солидарност, помош и единство!

Ве очекуваме во што поголем број!

Со почит, Иницијативен одбор за формирање на хуманитарното друштво Тревизо, Италија