Të nderuar bashkëqytetarë,

Një grup i rinjsh Labunishtarë që jetojnë dhe punojnë në Itali, në provincën Trevizo, nisin formimin e një shoqate humanitare me qëllim të forcojnë solidaritetin dhe mbështetjen mes njerëzve tanë. Kjo iniciativë synon të ofrojë ndihmë atyre që kanë më shumë nevojë në vendlindjen Labunisht si dhe projekte të tjera të rëndësishme që do të jenë në dobi të popullatës

Me këtë qëllim, i ftojmë të gjithë Labunishtarët tanë që jetojnë dhe punojnë në territorin e provincës Trevizo të marrin pjesë në takimin e parë, i cili do të mbahet të dielën, më 9 mars 2025, menjëherë pas lutjes së drekës (namazit të mesditës), në ambientet e xhamisë "Emanet" në Susegana.

Në këtë takim do të diskutojmë për: ✅ Qëllimet dhe aktivitetet e shoqatës humanitare ✅ Mënyrat e organizimit dhe pjesëmarrjes ✅ Idetë dhe propozimet për projektet e ardhshme ✅ Formimin e një ekipi që do të koordinojë punën

Prania dhe mbështetja juaj janë me rëndësi të madhe për suksesin e kësaj iniciative. Le të ndërtojmë së bashku një komunitet të bazuar në solidaritet, ndihmë dhe bashkim!

Ju presim në numër sa më të madh!

Me respekt, Bordi iniciativ për formimin e shoqatës humanitare Trevizo, Itali