Надлежните институции во последниот период спроведоа засилени контроли кои открија сериозен обем на нелегална сеча на шумски ресурси во земјата. Според јавно објавените информации од директорот на ЈП Национални шуми, Кире Михаилов, со одобрение за сеча од 1.000 м³ се сечат над 10.000 м³ дрвна маса – што укажува на алармантен сооднос од 9:1 во корист на нелегалното сечење.

Во рамките на контролите, беа масовно запленети камиони, товарни возила и механизација што се користеле за незаконска експлоатација на шумите. Дополнително, видеодокументирање потврдува дека во активностите се користат и шлепери, што укажува на организиран транспорт на нелегално исечено дрво кон други градови и држави.

Особено загрижувачка е состојбата во регионот на планината Јабланица и селото Лабуништа, каде се врши голем обем на незаконска сеча, со сериозни последици врз природната средина и локалните заедници.

НАТУРА ЛАБ изразува длабока загриженост и ја повторува својата подготвеност за соработка со сите институции со цел целосно расчистување со шумскиот криминал. Стоиме на располагање за преземање заеднички активности за заштита, обнова и одржливо управување со шумските ресурси.

Со почит, НАТУРА ЛАБ