Откако вчера објавивме на нашиот портал Labusta.mk, денес официјално започна санирањето и бетонирањето на патот кај месноста Калишта.

Дел од патната траса веќе е успешно саниран и бетониран, а активностите ќе продолжат континуирано сè до целосно завршување на проектот.

Со реализацијата на овој зафат значително ќе се подобри пристапноста и безбедноста за жителите и сите корисници на овој пат, особено имајќи ја предвид важноста на овој пат и очекуваниот понатамошен развој на месноста.

Проектот се реализира со заеднички ангажман и поддршка од поединци и донатори кои несебично придонесуваат за подобрување на локалната инфраструктура.

Организаторите упатуваат благодарност до сите кои на било каков начин учествуваат и помагаат во реализацијата на оваа значајна акција.

Аллах нека ги награди сите кои придонесуваат во овој проект и нека им се запише како добро дело.