(Фото): Иницијатива за санирање и бетонирање на патот кај месноста „Калишта“

Ќе се санира и бетонира патот кај месноста „Калишта“, со цел подобрување на инфраструктурата во овој дел каде што во блиска иднина се очекува изградба на нова населба.

Иницијативата ја покренува сопственикот на стрелиштето и ресторанот „Спорт Шкорпион“, г. Исеин Ајдароски, со намера да се реши долгогодишниот проблем со патната инфраструктура.

Во месноста „Калишта“ има голем број парцели во сопственост на граѓани лабуништани , а пристапниот пат моментално се наоѓа во катастрофална состојба и значително го отежнува движењето.

Со таа цел, се упатува јавен повик до сите сопственици на парцели во овој реон, како и до други хумани граѓани и донатори, да се вклучат и придонесат во реализацијата на овој значаен проект, кој претставува трајна садака и инвестиција во заедничкото добро.

Сите заинтересирани за учество и поддршка можат директно да се обратат на телфонскиот број 077-503-395 кај Исеин Ајдароски.