Pasi dje publikuam në portalin tonë Labusta.mk, sot zyrtarisht filloi riparimi dhe betonimi i rrugës pranë vendit Kalishte.

Një pjesë e rrugës tashmë është riparuar dhe betonuar me sukses, dhe aktivitetet do të vazhdojnë në mënyrë të vazhdueshme deri në përfundimin e plotë të projektit.

Me realizimin e këtij projekti do të përmirësohet ndjeshëm qasja dhe siguria për banorët dhe të gjithë përdoruesit e kësaj rruge, duke marrë në konsideratë rëndësinë e rrugës dhe zhvillimin e pritshëm të zonës.

Projekti realizohet me angazhim dhe mbështetje të përbashkët nga individë dhe donatorë që kontribuojnë pa rezerva për përmirësimin e infrastrukturës lokale.

Organizatorët shprehin falënderime për të gjithë ata që në çdo mënyrë marrin pjesë dhe ndihmojnë në realizimin e kësaj nisme të rëndësishme.

Allahu i shpërbleftë të gjithë ata që kontribuojnë në këtë projekt dhe t’u shënohet si vepër e mirë.