Во просториите на Јавното комунално претпријатие „Хигиена“ денес пристигна првата пратка со околу 250 канти за смет, кои претходно беа најавени од страна на Општина Струга.

Оваа пратка претставува почеток на процесот за подобрување на комуналната хигиена и унапредување на условите за одржување на чистотата во Лабуништа. Канти за смет ќе бидат наменети за домаќинствата, со цел поефикасно собирање и управување со комуналниот отпад.

Во наредниот период се очекува пристигнување и на останатите пратки, по што кантите ќе бидат распределени согласно потребите на жителите.

Од Општина Струга истакнуваат дека тука не се застанува и дека ова е само еден од низата проекти кои се планирани и ќе се реализираат во периодот што следува. Во план се уште многу други активности и инвестиции насочени кон подобрување на комуналната инфраструктура и создавање почиста и поздрава животна средина за сите жители.

Надлежните апелираат до граѓаните за одговорно користење на кантите и заедничка грижа за јавната чистота.