Денес започна меморијалниот риболовен турнир „Крапска Дружба“, посветен на споменот на рахметли Азиз Нуроски, кој пред неполни два месеца ненадејно го напушти овој свет.

Турнирот кој е во организација на риболовното друштво "КарпФиш" од Лабуништа ќе трае до недела, а љубителите на риболовот ќе имаат можност да се натпреваруваат и да го одбележат споменот на Азиз преку заедничката страст кон риболовот и дружењето.

За освоените прво, второ и трето место, како и за најголемата уловена риба, предвидени се пехари и медали.

Уште на првиот ден од турнирот беше забележан одличен улов – крап со тежина од 9.350 грама.

Меморијалниот турнир „Крапска Дружба“ претставува убав начин да се зачува споменот на рахметли Азиз Нуроски и преку спортот, дружењето и заедничките моменти да продолжи сеќавањето на човекот кој остави трага кај своите блиски и пријатели и кај целата заедница.