Во рамките на благословениот месец Рамазан, здружението „Diaspora OÖ Лабуништа“ организираше втор традиционален рамазански ифтар кој се одржа вечерва во џамијата во Перг, Австрија.

На ифтарот присуствуваа голем број верници, членови на дијаспората и гости, кои заедно ја споделија радоста и духовната атмосфера на рамазанските денови. Настанот помина во духот на братство, солидарност и заедништво, вредности кои традиционално го одбележуваат овој благословен месец.

Организаторите од „Diaspora OÖ Лабуништа“ изразија голема благодарност до сите спонзори, соработници и присутни кои со својата поддршка придонесоа за успешна реализација на настанот.

Како што е наведено и во хадисот на Пратеникот Мухамед (с.а.в.с.):

„Кој ќе нахрани постач, ќе има иста награда како постачот, а на постачот нема да му се намали неговата награда.“

Со надеж дека ваквите собири ќе продолжат и во иднина, организаторите упатија молитва Аллах да ги награди сите добротвори и да го прифати нивниот пост и добри дела.