Në kuadër të muajit të bekuar të Ramazanit, shoqata „Diaspora OÖ Labunishta“ organizoi iftin e dytë tradicional të Ramazanit i cili u mbajt sonte në xhaminë në Perg, Austri.

Në iftari morën pjesë një numër i madh besimtarësh, anëtarë të diasporës dhe mysafirë, të cilët së bashku ndanë gëzimin dhe atmosferën shpirtërore të ditëve të Ramazanit. Ngjarja kaloi në frymën e vëllazërisë, solidaritetit dhe bashkësisë, vlera që tradicionalisht shoqërojnë këtë muaj të bekuar.

Organizatorët e „Diaspora OÖ Labunishta“ shprehën mirënjohje të madhe për të gjithë sponsorët, bashkëpunëtorët dhe të pranishmit të cilët me mbështetjen e tyre kontribuan në realizimin e suksesshëm të ngjarjes.

Siç është përmendur edhe në hadithin e Pejgamberit Muhamed (s.a.v.s.):

„Ai që ushqen agjëruesin, do ketë shpërblimin e tij po aq sa agjëruesi, pa i shkurtuar shpërblimin agjëruesit.“

Me shpresën që këto mbledhje të vazhdojnë edhe në të ardhmen, organizatorët drejtuan lutje që Allahu t’i shpërblejë të gjithë bamirësit dhe të pranojë agjërimin dhe veprat e tyre të mira.