Денес успешно беше реализирано бетонирањето на потпорниот ѕид во должина од 65 метри на новиот маалски пат во населба Краста. Со овој значаен чекор се подобрува инфраструктурата и безбедноста на жителите во овој дел од населбата.

Жителите изразуваат искрена благодарност до сите донатори кои дадоа финансиска поддршка за реализација на овој проект, до вредните компании како и до поединците кои несебично помогнаа со свои средства.

Посебна благодарност се упатува и до организаторите кои неуморно се трудеа и работеа на реализацијата на оваа иницијатива кои дадоа значителен придонес.

Аллах да ги награди сите што учествуваа во ова добро дело и нивниот труд да биде прифатен во овој мубарек месец Рамазан.

Жителите на оваа населба порачуваат дека тука не завршуваат активностите. Пред нив стојат уште многу заеднички проекти, меѓу кои санација на патиштата и понатамошно уредување на населбата, со цел подобри услови за живот на сите жители.