Вредните мештани на населба Краста уште еднаш ја покажаа силата на заедништвото и солидарноста, организирајќи благородна работна акција за проширување и изградба на патната инфраструктура во населбата.

Активностите се реализираат со финансиска поддршка исклучиво од самите мештани, што претставува вистински пример за општествена одговорност и грижа за заедничкото добро. По успешно извршеното бетонирање на темелите, во моментот се одвива процесот на шалување на потпорниот ѕид, кој е од клучно значење за безбедноста и стабилноста на патот.

Организаторите упатуваат јавен повик до сите хумани луѓе кои се во можност да се вклучат со донација и да дадат свој придонес во ова хуманитарно и трајно дело – трајна садака од која ќе имаат корист сегашните и идните генерации.

Сите заинтересирани за донација или поддршка можат да се обратат кај следните лица:

• Хаџи Рамиз Каралиески
• Хаџи Ирфан Мемишоски
• Хаџи Емрула Мемишоски

Нека Аллах ги награди сите кои учествуваат и придонесуваат во ова хајрли дело, вложувајќи труд, средства и време за доброто на заедницата.