ЛАБУНИШТА – Во просториите на Долна Џамија во Лабуништа вчера се одржа значаен и емотивен верски настан организиран од Мектеб Хидајех, посветен на оддавање признание и пофалба на жените кои со посветеност и љубов кон верата успешно го завршија изучувањето на Теџвид и читањето на Чесниот Куран.

Муалимката Аниса Рочи (Јускоска) им врачи признанија на вкупно 67 жени, од кои:

51 жена успешно ја завршија наставата по Теџвид (правилата на читање на Куранот),

15 жени ја завршија хатмата (целосно читање на Куранот),

и 1 жена доби признание за хифз (учење на памет на џузот Тебарак).

Настанот помина во свечена и топла атмосфера, исполнета со духовна енергија, охрабрување и благодарност. Голем број на жени присуствуваа на овој настан, што уште еднаш ја потврдува важноста на верското образование и улогата на жената во зачувување и пренесување на духовните вредности во заедницата.

Овој успех не е само личен триумф на учесничките, туку и инспирација за целата заедница, особено за младите генерации кои го гледаат примерот на упорност, трпение и љубов кон знаењето.

Мектеб Хидајех продолжува со својата мисија за ширење на исламското образование и духовно издигнување, поставувајќи нови стандарди на посветеност и ангажман.