Do të riparohet dhe betonohet rruga pranë vendit "Kalishta", me qëllim përmirësimin e infrastrukturës në këtë pjesë ku në të ardhmen e afërt pritet ndërtimi i një lagje të re.

Nismën e ka ndërmarrë pronari i poligonit dhe restorantit "Sport Shkorpion", z. Isein Ajdaroski, me qëllim zgjidhjen e problemit të gjatë me infrastrukturën rrugore.

Në vendin "Kalishta" ka një numër të madh parcelash në pronësi të qytetarëve të Labunishtë, ndërsa rruga hyrëse aktualisht është në gjendje katastrofike dhe e vështirëson ndjeshëm lëvizjen.

Me këtë qëllim, bëhet thirrje publike për të gjithë pronarët e parcelave në këtë zonë, si dhe për qytetarë të tjerë humanë dhe donatorë, që të përfshihen dhe kontribuojnë në realizimin e këtij projekti të rëndësishëm, i cili përfaqëson sadaka të përhershme dhe investim në të mirën e përbashkët.

Të gjithë të interesuarit për pjesëmarrje dhe mbështetje mund të kontaktojnë drejtpërdrejt në numrin e telefonit 077-503-395 tek Isein Ajdaroski.