Во насока на подобрување на комуникацијата помеѓу граѓаните и Месната заедница, од денес на порталот Labunista.mk е поставена нова категорија под наслов „Месна заедница“, по барање на Месната заедница во Лабуништа.

Целта на оваа дигитална иницијатива е да се овозможи полесен, побрз и поедноставен начин за граѓаните да ги пријавуваат своите проблеми, барања и предлози директно до Месната заедница, без непотребни административни процедури.

Преку посебен формулар, граѓаните со внесување на:

име и презиме,

телефонски број,

и краток опис на проблемот или барањето, можат со едноставно испраќање нивното барање автоматски да пристигне на официјалната е-маил адреса на Месната заедница.

По приемот на барањата, Месната заедница ќе има обврска истите да ги разгледа и да даде соодветен одговор, со што се создава поефикасен и потранспарентен систем на комуникација со жителите на Лабуништа.

Важно е да се нагласи дека порталот Labunista.mk нема институционална или управувачка поврзаност со Месната заедница, туку исклучиво, во интерес на граѓаните, ја стави на располагање својата платформа со цел да се олесни контактот и да се поттикне поголема вклученост на граѓаните во решавањето на локалните прашања.

Ова е уште еден чекор кон модерна, отворена и дигитална локална заедница, каде гласот на граѓаните ќе биде полесно слушнат.