Во Лабуништа целосно се исчистени дивите депонии кои подолг период претставуваа проблем за жителите и за изгледот на населеното место.

Во моментов се поставува и видеонадзор, со цел да се спречи повторното создавање диви депонии и несовесното фрлање отпад.

Дополнително, Месната заедница обезбеди и посебно место за возниот парк на ЈКП „Хигиена“, со што возилата на претпријатието повеќе нема да се паркираат низ улиците во Лабуништа, туку ќе имаат свое определено место. Во непосредна близина на возниот парк ќе биде определен и посебен простор за оставање кабаст отпад, каде што граѓаните ќе можат уредно да оставаат предмети како стари каучи и друг мебел, душеци, теписи и теписони, врати и прозорци, санитарии, поголеми предмети од домаќинството и друг кабаст отпад.

На овој начин ќе се овозможи ваквиот отпад да се собира на едно определено место, наместо да се остава покрај контејнерите, по улиците или да завршува на диви депонии.

Со овие активности, Лабуништа добива почиста, поуредна и поорганизирана средина. Сега останува сите заедно да го чуваме она што е исчистено и уредено.