Со поставувањето и бетонирањето на стопата, официјално започна и изградбата на минарето на џамијата.

Овој важен чекор претставува почеток на една нова фаза во изградбата, каде темелите веќе се поставени цврсто, а минарето полека ќе го добива својот препознатлив изглед.

Според досегашниот тек на работите, се очекува за приближно два месеци да заврши грубата градба на џамијата, со што објектот ќе ја добие својата целосна основна форма и ќе биде подготвен за следните фази од уредувањето.

Секој вложен труд, секоја поддршка и секоја добра намера се дел од ова дело кое ќе остане за генерациите што доаѓаат. Со заедничка волја и посветеност, чекор по чекор, се гради нешто што ќе биде гордост за целото место.

Воедно, започнаа и планови за нешто досега невидено за Лабуништа — објект што засекогаш ќе го промени изгледот на селото и ќе остави белег за идните генерации. Проект кој ќе стане симбол на ново време, визија и напредок.