Me vendosjen dhe betonimin e themelit, zyrtarisht ka filluar ndërtimi i minares së xhamisë.

Ky hap i rëndësishëm shënon fillimin e një faze të re në ndërtim, ku themelet tashmë janë vendosur fort, dhe minarja ngadalë do të marrë pamjen karakteristike të saj.

Sipas ecurisë së punëve deri tani, pritet që brenda pak më shumë se dy muajsh të përfundojë ndërtimi i papërpunuar i xhamisë, çka do t’i japë objektit formën e plotë bazë dhe do ta bëjë gati për fazat tjetër të rregullimit.

Çdo përpjekje, çdo mbështetje dhe çdo qëllim i mirë janë pjesë e këtij vepre që do të mbetet për brezat e ardhshëm. Me vullnet dhe përkushtim të përbashkët, hap pas hapi, po ndërtohet diçka që do të jetë krenari për të gjithë vendin.

Gjithashtu, kanë filluar planet për diçka të paprecedentë për Labunishta — një objekt që do ta ndryshojë përgjithmonë pamjen e fshatit dhe do të lërë gjurmë për brezat e ardhshëm. Një projekt që do të bëhet simbol i një kohe të re, vizioni dhe përparimit.