Во нашето училиште успешно се реализираше училишен квиз на знаење, на кој учествуваа ученици од 6 до 9 одделение. Натпреварувачите беа поделени во тимови и имаа можност да ги покажат своите знаења, логичко размислување и тимска работа.

Прашањата беа разновидни и опфаќаа содржини од повеќе области. Учениците со голем интерес и ентузијазам одговараа на поставените прашања и покажаа завидно ниво на знаење.

За најуспешните екипи беа обезбедени соодветни награди, како признание за постигнатите резултати. Дополнително, сите ученици кои учествуваа на квизот добија пофалници за учество, со цел да се вреднува нивниот труд, ангажман и желба за натпреварување.

Квизот помина во пријатна и натпреварувачка атмосфера, а учениците покажаа одличен дух на соработка, почитување на правилата и фер игра. Ваквите активности придонесуваат за поттикнување на љубопитноста, проширување на знаењата и развивање на натпреварувачкиот дух кај учениците.