Në shkollën tonë u realizua me sukses një kviz shkollor i njohurive, ku morën pjesë nxënës nga klasa 6 deri në të 9-tën. Konkurrentët u ndanë në ekipe dhe patën mundësinë të tregojnë dijet, mendimin logjik dhe punën në ekip.

Pyetjet ishin të ndryshme dhe përfshinin përmbajtje nga fusha të ndryshme. Nxënësit me interes dhe entuziazëm të madh u përgjigjën pyetjeve të parashtruara dhe treguan një nivel të admirueshëm të njohurive.

Për ekipet më të suksesshme u siguruan çmime përkatëse, si njohje për rezultatet e arritura. Për më tepër, të gjithë nxënësit që morën pjesë në kuiz morën certifikata pjesëmarrjeje, me qëllim vlerësimin e punës së tyre, angazhimit dhe dëshirës për konkurrencë.

Kuizi u zhvillua në një atmosferë të këndshme dhe konkurruese, dhe nxënësit treguan një frymë të shkëlqyer bashkëpunimi, respekt për rregullat dhe lojë të ndershme. Këto aktivitete ndihmojnë në nxitjen e kuriozitetit, zgjerimin e njohurive dhe zhvillimin e frymës konkurruese tek nxënësit.