Секторот за жени при Муфтиството на ИВЗ Струга денес организираше посебна програма во просториите на Муфтиството, посветена на величествениот настан Исра и Миѓраџ. Програмата беше проследена со корисни предавања и теми кои директно ја засегаат здравствената состојба и благосостојбата на жените во општеството.

Предавањата ги одржаа теологот Хурије Мехемети-Биба и д-р Хаџере Алиед, кои споделија со учесничките вредни знаења и практични совети под темата: „Против ракот на матка – Превенција и свесност“.

Теологот Хурије Мехемети-Биба пренесе инспиративни пораки од Исра и Миѓраџ, истакнувајќи ја важноста на духовната и физичката грижа за жената, како аманет од Бога. Таа ја нагласи пораката дека Исламот го охрабрува грижeњето за здравјето и подигањето на свеста за значењето на редовните здравствени контроли.

Од друга страна, д-р Хаџере Алиед понуди повеќе научен пристап, споделувајќи детални информации за превенцијата и лекувањето на ракот на матката, чувствителна проблематика која ги засега многу жени ширум светот. Таа ја истакна важноста на раната дијагностика, периодичните анализи и здравиот начин на живот како неопходни чекори за превенција на оваа болест.

Многубројните учеснички кои присуствуваа на овој настан имаа можност да споделат лични искуства, да поставуваат прашања и да добијат одговори од присутните експертки. Оваа програма беше оценета како една од најважните активности, не само за зајакнување на верата и духовната поврзаност, туку и за подигнување на свеста кај жените за нивното здравје и важноста на грижата за себеси.

Оваа програма беше силен повик за духовна и физичка грижа, инспирирајќи ги присутните да бидат свесни за своите вредности и важноста на доброто здравје како дар од Аллах.