Со Аллахова помош и несебичната поддршка на жителите, изградбата на новото минаре во Лабуништа напредува со забрзано темпо. Денес, новото минаре речиси ја достигна висината на старото минаре, кое гордо стои веќе 232 години и датира од далечната 1794 година.

Метар по метар, камен по камен, се издигнува новото обележје на нашето место, сведочејќи за љубовта, единството и посветеноста на генерациите кои учествуваат во овој благороден проект.

Посебно внимание се посветува на безбедноста при изградбата. Работите се изведуваат на традиционално дрвено скеле, кое е цврсто осигурано од сите страни, овозможувајќи сигурна и внимателна работа на мајсторите кои секојдневно вложуваат труд и знаење.

Старото минаре веќе повеќе од два века ги повикува верниците кон молитва и е сведок на многу историски настани и генерации. Денес, покрај него расте новото минаре, кое, ако Аллах даде, ќе остане аманет и гордост за идните поколенија.