ЈКП „Хигиена – Лабуништа“ ги известува жителите дека, почнувајќи од 27 август 2026 година, се воведува нов распоред на рестрикции во водоснабдувањето во повеќе реони на Лабуништа.

**Според известувањето, секој ден од 09:00 до 13:00 часот без вода ќе останува реонот од Мост Асанов надолу, вклучително и Умишта.

Во периодот од 15:00 до 19:00 часот, прекин во водоснабдувањето ќе има во реонот од местото викано Амул, Горна и Долна Краста, вклучително и Алковци.**

Од ЈКП „Хигиена – Лабуништа“ напоменуваат дека распоредот на рестрикциите може да се менува во зависност од потребите и состојбата со водоснабдувањето. До граѓаните се упатува апел водата да се користи рационално и исклучиво за основните потреби. Се бара да не се полеваат бавчи и дворови, да не се полнат приватни базени и да не се користи вода за миење возила и тротоари.

Мерките ќе останат во сила сè до стабилизирање на состојбата со водоснабдувањето.

Од претпријатието им се заблагодаруваат на граѓаните за разбирањето и соработката.