JP "Higjiena – Labunisht" njofton banorët se, duke filluar nga 27 gushti 2026, do të aplikohet një orar i ri kufizimesh në furnizimin me ujë në disa zona të Labunishta-s.

**Sipas njoftimit, çdo ditë nga ora 09:00 deri në 13:00 do të mbetet pa ujë zona nga Ura Asanov e poshtme, përfshirë edhe Umishta.

Në periudhën nga ora 15:00 deri në 19:00, ndërprerja e furnizimit me ujë do të jetë në zonën e vendit të quajtur Amul, Gornja dhe Dolna Krasta, përfshirë edhe Alkovci.**

Nga JP "Higjiena – Labunisht" theksojnë se orari i kufizimeve mund të ndryshojë në varësi të nevojave dhe gjendjes së furnizimit me ujë. Apelohet te qytetarët që uji të përdoret në mënyrë racionale dhe vetëm për nevojat bazë. Kërkohet që të mos ujiten kopshte dhe oborre, të mos mbushen pishina private dhe që uji të mos përdoret për larjen e automjeteve dhe trotuareve.

Masat do të mbeten në fuqi deri në stabilizimin e situatës me furnizimin me ujë.

Nga ndërmarrja falënderojnë qytetarët për mirëkuptimin dhe bashkëpunimin.