На видеото е прикажан влезот на нашето Лабуништа, наспроти новите светла кои дополнително ќе ја разубавуваат сликата на нашето село. Но, за жал, покрај убавината, може да се забележи и нешто што не ни прилега – расфрлан отпад. Ова е сликата на нашето село, но за ваквата слика сите ние како жители имаме одговорност. Многу често можеме да забележиме како од автомобили во движење се фрлаат пластични шишиња, кеси, лименки и друг отпад покрај патиштата. Тоа не е само прашање на чистота – тоа е прашање на култура, свест и почит кон местото во кое живееме.

• Не фрлај отпад од автомобил.
• Ако си го донел со себе, понеси го и до првата канта.
• Не ја загадувај природата која ни е дадена на чување.
• Чувај го Лабуништа како што го чуваш сопствениот дом.

Но, не треба само да зборуваме.

Ајде да се организираме и заеднички да го исчистиме Лабуништа! Да одредиме ден, да се собереме, да ги исчистиме влезовите, патиштата и јавните површини и повторно да покажеме дека Лабуништа може и мора да биде чисто и уредно.

Да направиме една убава слика за нашето село – слика на која сите ќе бидеме горди. Чисто Лабуништа не е работа само на институциите. Чисто Лабуништа е одговорност на сите нас.

Ајде заедно да го направиме Лабуништа онакво какво што заслужува да биде – чисто, убаво и уредно!