Лабуништа повторно има причина за гордост! Младиот каратист Алдин Бајрамоски, член на Карате клубот „Ерол 2007“, е избран да ја претставува Македонија на Балканското карате првенство за кадети, јуниори и помлади сениори (У21), кое ќе се одржи од 7 до 9 ноември 2025 година во Ријека, Република Хрватска.

Бајрамоски ќе се натпреварува во дисциплината борби – кадети до 63 килограми, како дел од Македонската карате федерација, со што уште еднаш се потврдува дека Лабуништа е расадник на таленти и спортски дух.

Тимот ќе го предводи искусниот тренер Ерол Зенделоски, основач и главен тренер на клубот, кој ќе биде дел од стручниот штаб на федерацијата и ќе ги води младите натпреварувачи во борбите.

Карате клубот „Ерол 2007“ со години вложува во развојот на младите спортисти и постојано бележи успеси на државно и меѓународно ниво. Учеството на Алдин Бајрамоски на едно вакво реномирано натпреварување е потврда за квалитетната работа, посветеноста и трудот на целиот тим.

Му посакуваме на Алдин многу успех, храброст и спортска среќа на претстојното Балканско првенство – нека со гордост го носи името на Лабуништа и Македонија! 🇲🇰🥋