Labunishta përsëri ka arsye për krenari! Karatisti i ri Aldin Bajramoski, anëtar i klubit të karatesë "Erol 2007", është zgjedhur për të përfaqësuar Maqedoninë në Kampionatin Ballkanik të karatesë për kadetë, juniorë dhe seniorë të rinj (U21), që do të mbahet nga 7 deri më 9 nëntor 2025 në Rijekë, Republika e Kroacisë.

Bajramoski do të garojë në disiplinën luftërash – kadetët deri në 63 kilogramë, si pjesë e Federatës së Karatesë të Maqedonisë, duke vërtetuar edhe njëherë se Labunishta është një vatër e talenteve dhe frymës sportive.

Ekipin do ta udhëheq trajneri me eksperiencë Erol Zendeloski, themelues dhe trajner kryesor i klubit, i cili do të jetë pjesë e stafit profesional të federatës dhe do të drejtojë garuesit e rinj në luftëra.

Klubi i karatesë "Erol 2007" prej vitesh investon në zhvillimin e sportistëve të rinj dhe vazhdimisht regjistron sukses në nivel shtetëror dhe ndërkombëtar. Pjesëmarrja e Aldin Bajramoskit në një garë kaq të njohur është konfirmim i punës cilësore, përkushtimit dhe përpjekjes së të gjithë ekipit.

I urojmë Aldinit shumë sukses, guxim dhe fat sportiv në Kampionatin Ballkanik që vjen – le ta mbajë me krenari emrin e Labunishtës dhe Maqedonisë! 🇲🇰🥋