Непознати лица, од засега непознати причини, сношти скршиле дел од влезната врата и насилно упаднале во просториите на поранешно „Икре – Толеранса“ во Лабуништа.

При упадот, сторителите оштетиле дел од инвентарот, меѓу кои маси и столови, оставајќи зад себе материјална штета и чувство на револт кај жителите.

Овој чин не претставува само вандализам врз објект, туку директен напад врз Лабуништа и нејзината заедница.

Станува збор за општонародни простории кои со години се користат за разни настани, собири, културни и општествени активности од значење за сите граѓани.

Нападот врз ваков простор е напад врз заедничките вредности, трудот и единството на жителите.

Очекуваме надлежните институции да постапат итно, да го расветлат случајот и да ги пронајдат сторителите, со цел вакви немили настани да не се повторат.

Лабуништа не смее да биде цел на безредие и уништување, туку место на живот, почит и заедничка грижа за јавното добро.

Граѓаните апелираат на зголемена одговорност и солидарност, како и на зачувување на општинските и општонародни простори кои им припаѓаат на сите.