Вечерва до нашиот медиум пристигна топол рамазански селам од нашите браќа Лабуништани кои живеат и работат во Сан Џорџо, Италија.

И таму, како и секаде каде што има Лабуништани, љубовта кон верата и заедништвото беа јасно видливи – џамијата беше претесна за да ги собере сите верници кои се собраа на ибадет во овој благословен месец Рамазан.

Овој прекрасен и организиран џемат со голема посветеност го предводи почитуваниот имам Ајдоган еф. Ибраими, кој со својата работа и ангажман постојано придонесува за јакнење на верата и единството меѓу верниците.

Вечерва гостин на џематот беше и почитуваниот Кура хафиз Азиз еф. Алили, чие што присуство и учење дополнително ја разубавија рамазанската вечер и оставија силен духовен впечаток кај присутните. Овие сцени се уште еден доказ дека, и далеку од татковината, Лабуништани остануваат цврсто поврзани со својата вера, традиција и меѓусебна солидарност.

Рамазанските ноќи во Сан Џорџо сведочат за жива и активна заедница која со гордост ги негува исламските вредности.

Аллах нека ги награди сите кои придонесуваат за ваквите убави собири и нека го прими нивниот ибадет.