Sonte në mediun tonë mbërriti një selam i ngrohtë ramazan nga vëllezërit tanë Labunishtanë që jetojnë dhe punojnë në San Gjorgo, Itali.

Edhe aty, sikurse kudo ku ka Labunishtanë, dashuria ndaj fesë dhe komunitetit ishin qartë të dukshme – xhamia ishte e vogël për të mbledhur të gjithë besimtarët që u mblodhën për ibadet në këtë muaj të bekuar të Ramazanit.

Ky jem i mrekullueshëm dhe i organizuar drejtohet me përkushtim të madh nga i nderuari imam Ajdogan ef. Ibraimi, i cili me punën dhe angazhimin e tij vazhdimisht kontribuon në forcimin e besimit dhe unitetit ndërmjet besimtarëve.

Sonte mysafir i jemati ishte edhe i nderuari Kura hafiz Aziz ef. Alili, i cili me praninë dhe recitimin e tij përforcoi edhe më shumë mbrëmjen e ramazanit dhe la një përshtypje të thellë shpirtërore te të pranishmit.

Këto skena janë një dëshmi tjetër që edhe larg atdheut, Labunishtanët mbeten të lidhur ngushtë me besimin, traditën dhe solidaritetin e tyre.

Netët e Ramazanit në San Gjorgo dëshmojnë për një komunitet të gjallë dhe aktiv që me krenari ruan vlerat islame.

Zoti Allah i shpërbloftë të gjithë ata që kontribuojnë për këto tubime të bukura dhe pranoftë ibadetin e tyre.