Муфтиството во Струга денес официјално ги соопшти новите кадровски решенија, со кои се зајакнува институционалното претставување и делување во рамки на Исламската верска заедница.

Анис еф. Изети имам на Долна Џамија Лабуништа е избран за член на Советот при Ријасетот на Исламската верска заедница на Република Северна Македонија, со што добива значајна улога во највисокото советодавно тело на ИВЗ. Овој избор претставува признание за неговиот досегашен ангажман и придонес во верскиот и општествениот живот.

Воедно, Кадир еф. Далипоски имам на Мехмед Али Пашина Џамија во Лабуништа е избран за член при Муфтиството на Струга, каде што ќе учествува во креирањето и спроведувањето на верските активности и политики на локално ниво.

Покрај овие избори, од страна на Муфтиството во Струга денес беше врачено и решението за нов мандат на мутавелијата на Мехмед Али Пашина Џамија х. Сафет Исмаилоски.

Во составот на одборот како одборници продолжуваат х. Агим Демишоски и х. Реџо Османоски, а како членови на одборот се вклучени и имамите Енис еф. Максутоски и Кадир еф. Далипоски. За благајник е избран Муаз Демишоски.

Упатуваме дова до Аллах џ.ш. да им подари берекет, мудрост и успех во нивната понатамошна работа, со надеж дека новите одговорности ќе придонесат за унапредување на верскиот живот и зајакнување на институциите.