Младиот и надежен фудбалер, Белул Елмазоски, е најновото засилување на ФК Шкупи во овој преоден рок. Станува збор за талент роден 2004 година во Италија, кој има богато минато во различни фудбалски академии таму, играјќи за италијански тимови како што се Fiume Veneto Bannia, Aviano и Barbisano Eclisse.

Елмазоски, кој потекнува од Боровец , го привлече вниманието на скаутите на ФК Шкупи со своите технички вештини и потенцијал на теренот. Тој игра на позицијата крилен напаѓач. Раководството на клубот е уверено во неговиот понатамошен развој како дел од проектот за зајакнување на младите и внесување на нови таленти во фудбалот на нашата земја.

„Го откривме во Италија. Има италијански и македонски пасош. Веруваме дека тој ќе се развива во нашите редови, и дека неговото име ќе се слуша многу во иднина“, изјави извршниот директор на клубот, Ајкут Туран по потпишувањето на договорот.

20-годишниот Елмазоски денеска ќе отпатува со тимот на зимските подготовки што ќе ги одржиме во Анталија, Турција.