Денес, во просториите на џамијата „Еманет“, во топла и братска атмосфера, група млади Лабуништани кои работат и живеат во провинцијата Тревизо, Италија, го основаа хуманитарното друштво „Лабуништа“.

Целта на оваа иницијатива е да се обезбеди поддршка за оние на кои им е најпотребна, како во Лабуништа, така и во пошироката заедница. Формирањето на ова друштво е доказ за солидарноста и меѓусебната поддршка на Лабуништани, без разлика каде се наоѓаат во светот.

На настанот присуствуваа бројни членови на заедницата, кои со задоволство ја поздравија оваа иницијатива и изразија подготвеност да дадат свој придонес во остварувањето на хуманитарните цели.

За претседател на хуманитарното друштво "Лабуништа" е избран ценетиот фармацевт Дрини Нуроски.

Новоформираното друштво планира различни активности, како организирање добротворни акции, помош за семејства во социјална неволја, поддршка на образованието и здравствената заштита, како и зачувување на културниот и духовниот идентитет на заедницата.

Членовите на „Лабуништа“ упатија порака дека секој кој сака да помогне и да биде дел од оваа мисија е добредојден, бидејќи само заедно можеме да направиме вистинска промена.

Секој што сака да стане член и да биде дел од оваа хумана иницијатива, може да се обрати кај следните задолжени лица:

📞 Дрини Нуроски – 3534282315 (Претседстел)

📞 Анес Ќазимоски – 3894548861

📞 Арбен Максутоски - 3772960422

📞 Елмедин Ќазимоски – 3297539184

Со оваа иницијатива, Лабуништани во Тревизо уште еднаш покажаа дека хуманоста и солидарноста немаат граници.