Sot, në ambientet e xhamisë „Emanet“, në një atmosferë të ngrohtë dhe vëllazërore, një grup të rinjsh nga Labunishta që punojnë dhe jetojnë në provincën e Trevisos, Itali, themeluan shoqatën humanitare „Labunishta“.

Qëllimi i kësaj iniciative është të sigurojë mbështetje për ata që kanë më shumë nevojë, si në Labunishta, ashtu edhe në komunitetin më të gjerë. Formimi i kësaj shoqate është dëshmi e solidaritetit dhe mbështetjes së ndërsjellë të labunishtarëve, pavarësisht nga vendndodhja e tyre në botë.

Në ngjarje morën pjesë anëtarë të shumtë të komunitetit, të cilët me kënaqësi përshëndetën këtë iniciativë dhe shprehën gatishmërinë për të dhënë kontributin e tyre në realizimin e qëllimeve humanitare.

Për kryetar të shoqatës humanitare „Labunishta“ u zgjodh farmacisti i respektuar Drini Nuroski.

Shoqata e sapoformuar planifikon aktivitete të ndryshme, si organizimi i aksioneve bamirëse, ndihmë për familjet në vështirësi sociale, mbështetja e arsimit dhe kujdesit shëndetësor, si dhe ruajtja e identitetit kulturor dhe shpirtëror të komunitetit.

Anëtarët e „Labunishta“ përcollën mesazhin se çdo person që dëshiron të ndihmojë dhe të bëhet pjesë e kësaj misioni është i mirëpritur, sepse vetëm së bashku mund të bëjmë një ndryshim të vërtetë.

Çdo kush që dëshiron të bëhet anëtar dhe të jetë pjesë e kësaj iniciative humane, mund të kontaktojë me personat përgjegjës të mëposhtëm:

📞 Drini Nuroski – 3534282315 (Kryetar)

📞 Anes Qazimoski – 3894548861

📞 Arben Maksutoski - 3772960422

📞 Elmedin Qazimoski – 3297539184

Me këtë iniciativë, labunishtarët në Treviso treguan edhe një herë se humanizmi dhe solidariteti nuk njohin kufij.