Претставен основниот проект за доградба на Мехмед Али Пашината џамија (позната и како Горна џамија) во Лабуништа. Новиот дизајн нуди импресивна комбинација од традиционални исламски архитектонски елементи и современ изглед.

Проектот предвидува повеќе златни куполи, меѓу кои се истакнува централната голема купола, опкружена со неколку помали. Архитектурата ја истакнува убавината на геометриските облици, додека белата фасада со камени и декоративни елементи внесува чувство на духовна чистота и елеганција.

Предвидени се две високи минариња кои доминираат над силуетата на џамијата и ја прават препознатлива од далеку. Просторот околу џамијата ќе биде поплочен со уникатни кружни шари, што ќе создаде хармонија меѓу верскиот и јавниот простор.

Новата доградба ќе биде засебен објект во рамките на постоечката џамија, а процесот ќе биде воден од иницијативен одбор кој ќе се избере во недела, на 10 август 2025 година, по Јација-намаз, токму на оваа локација.

Со овој проект, Лабуништа добива не само духовен, туку и културен бисер кој ќе го облагородува местото за генерации што доаѓаат.