Не пропуштај ги петоците, направи некое мало добро дело!

Не мора секогаш да биде чистење. Добро дело може да има илјада форми:

✨ Во Турција има традиција наречена „askıda ekmek“ – луѓето оставаат платен леб во пекарницата за оној што нема пари. Зошто да не оставиме ние кафе, сендвич, тост или пак вода?

✨ Во Мароко честа пракса е заедничко садење дрвја или средување јавни градини – секое ново дрво е трага што останува за генерациите што доаѓаат.

✨ Во Египет луѓето често организираат заеднички ифтар за сиромашни – маса на улица за сите. Кај нас тоа може да биде едноставен ручек, супа или кафе со дел од фамилијата.

✨ Во Босна и Херцеговина е познато делењето софра – маса со храна каде секој е добредојден. Што ако и ние направиме мала „софра“ со комшиите, само за да ги одржуваме врските измеѓу себе?

✨ Во Индонезија постои „gotong royong“ – традиција каде цело маало заедно гради куќа или помага некој да ја поправи покривната плоча. Замисли само ако и кај нас еднаш во месецот сите комшии се соберат и направат нешто заедничко.

👉 Добро дело може да биде и едноставно:

•   Да му помогнеш на ученик со учење.
•   Да посетиш старо лице што живее само.
•   Да подариш облека или книга.
•   Да оставиш порака со охрабрување на јавно место.
•   Да споделиш насмевка.
•   Да споделиш садака.

Џума е ден за себапи. Ако секој направи нешто мало, заедно ќе создадеме нешто големо.