На 17 октомври 2026 година во Сусегана, Италија, ќе се одржи донаторска вечер наменета за поддршка на доградбата и проширувањето на Мехмед Али Пашината џамија во Лабуништа.

Настанот ќе се одржи во Исламскиот центар „Еманет“ во Сусегана, со почеток во 19:00 часот.

Главен гостин на вечерта ќе биде Енис ефендија Максутоски, имам на Горна џамија во Лабуништа. За подготовката на храната ќе биде задолжен Мусо Јускоски од ресторанот „Кај Лордот“.

Целта на донаторската вечер е да се соберат средства кои ќе помогнат во продолжување на градежните активности и доградбата на џамијата, проект кој се реализира со поддршка на верниците и лабунишката дијаспора.

Организаторите ги повикуваат сите заинтересирани да присуствуваат и, во рамките на своите можности, да дадат придонес за реализацијата на овој значаен проект.

„Заедно да придонесеме за проширување на нашата џамија, за генерациите што доаѓаат.“

Донаторската вечер е организирана со поддршка на Хуманитарното здружение „Лабуништа – Италија“.