Почитувани посетители,

Лабунишките Бачила и Лабунишките Локви се природно богатство кое со задоволство го споделуваме со сите љубители на природата. Секој добронамерен посетител е добредојден да ужива во убавините на нашата планина, чистиот воздух и прекрасните пејзажи.

Сепак, сакаме да упатиме важен апел до сите посетители дека капењето во Лабунишките Локви е строго забрането. Овие води претставуваат значаен природен ресурс и од нив се напојуваат извори од кои се користи вода за пиење. Зачувувањето на чистотата на водата е обврска и одговорност на сите нас.

Воедно, апелираме до сите планинарски, еколошки и други здруженија, како и до надлежните институции, да помогнат во поставување на јасни информативни табли и знаци со кои ќе се укаже на забраната за капење и ќе се придонесе кон заштитата на овој природен бисер.

Да ја чуваме природата чиста, да не оставаме отпад зад себе и да ги почитуваме правилата со цел и идните генерации да можат да уживаат во убавините на Лабунишките Локви.

Да бидеме гости на природата, а не нејзини загадувачи.