Të nderuar vizitorë,

Labunisht Bëçilat dhe Lokvat e Labunishtit janë pasuri natyrore që me kënaqësi i ndajmë me të gjithë dashamirësit e natyrës. Çdo vizitor me mirësi është i mirëpritur të shijojë bukuritë e malit tonë, ajrin e pastër dhe peizazhet e mrekullueshme.

Megjithatë, dëshirojmë të bëjmë një apel të rëndësishëm për të gjithë vizitorët që larja në Lokvat e Labunishtit është rreptësisht e ndaluar. Këto ujëra përbëjnë një burim i rëndësishëm natyror dhe prej tyre furnizohen burime nga të cilat përdoret ujë për pije. Ruajtja e pastërtisë së ujit është një detyrim dhe përgjegjësi e të gjithëve.

Gjithashtu, bëjmë apel tek të gjitha shoqatat malore, ekologjike dhe të tjera, si dhe tek institucionet përgjegjëse, që të ndihmojnë në vendosjen e tabelave dhe shenjave të qarta informuese, që të sqarohet ndalimi i larjes dhe të kontribuohet në mbrojtjen e këtij thesar natyror.

Të ruajmë natyrën të pastër, të mos lëmë mbeturina pas nesh dhe të respektojmë rregullat që brezat e ardhshëm të mund të shijojnë bukuritë e Lokvave të Labunishtit.

Të jemi mysafirë të natyrës, jo ndotësit e saj.