Аџо Јусуф Тафилоски подари земјиште за вакуф на џамиите во Лабуништа

Во просториите на Муфтиството на ИВЗ Струга се одржа средба помеѓу Муфтијата на Струга, Х. Ади еф. Муртиши, Секретарот Х. Шефит еф. Ајредини, претседателот на Одборот на Долната Џамија во Лабуништа Х. Аднан Ќазимоски и хуманистот Аџо Јусуф Тафилоски, кој подари земјиште за вакуф на џамиите во Лабуништа.

На средбата беше истакнато значењето на вакуфот како трајно добро и дело кое останува во служба на верата, заедницата и идните генерации. Муфтијата Х. Ади еф. Муртиши изрази благодарност и почит за овој благороден чин, нагласувајќи дека ваквите дела претставуваат трајна садака и голем пример за хуманост и пожртвуваност.

Овој гест е уште еден доказ дека во Лабуништа секогаш постоеле луѓе кои несебично придонесуваат за верата, џамиите и општото добро на заедницата.

Аллах џ.ш. нека го награди Аџо Јусуф Тафилоски со здравје, бериќет и секакво добро на овој свет и на Ахирет.