Një nga traditat e bukura që brezat e mëparshëm të Labunishtërisë e kanë kultivuar gjatë viteve, dhe që sot vazhdon të jetë e pranishme në një numër të madh familjesh, është dreka së bashku pas namazit të xhumasë.

E premtja ka pasur gjithmonë një vend të veçantë në jetën e banorëve të Labunishtërisë. Pas përfundimit të namazit të xhumasë, familja tubohej rreth sofrës dhe pritej kthimi i anëtarëve nga xhamia.

Në sofrën e së premtes shpesh ndodheshin edhe disa nga gatimet karakteristike të shtëpisë: komat (pite) me presh, djathë ose fasule, dhe ndonjëherë dreka shoqërohej me lëng shtëpiak nga dreni. Ushqim i thjeshtë, por me shije që për shumëkënd edhe sot ngjall kujtime për shtëpinë, familjen dhe Labunishtërisë e vjetër.

Kjo zakon i bukur ruhet edhe sot në shumë shtëpi labunishtërisë. Fatkeqësisht, me shpejtësinë e kohës së sotme, obligimet e punës dhe mënyrën moderne të jetesës, në gjithnjë e më shumë familje këto dreka së bashku fillojnë të anashkalohen.

Dhe ndoshta pikërisht sot, kur të gjithë jemi në vrap, na nevojiten më shumë këto tradita të vogla që na kujtojnë të ulem së bashku, të shohim njëri-tjetrin, të dëgjohemi dhe të mos harrojmë që familja ruhet edhe rreth sofrës së përbashkët.